Romantic Cafe

Movies - Songs - Clips - Wwe - Games - Progs
 
الرئيسيةالرئيسية  البوابهالبوابه  س .و .جس .و .ج  التسجيلالتسجيل  دخول  

شاطر | 
 

 تتجوزيني ممكن ؟؟؟

اذهب الى الأسفل 
كاتب الموضوعرسالة
White Angle
VIP
VIP
avatar

عدد المساهمات : 246
العمر : 24
النــــــوع : انثى

مُساهمةموضوع: تتجوزيني ممكن ؟؟؟   الجمعة 25 ديسمبر 2009, 20:46




تتجوزينى ممكن ؟؟



النهارده ,, هادوشكم ,, بموضوع ,, جامد بوريو

هايغير مصير الحبايب بعد الجواز

وهو ,, ازاى ,, اصلا تطلب منها الجواز ؟؟

عايزين نبطل المشهد التقليدي لعرض الجواز اللى
لزقته السينما في دمغنا، اتعودنا أن البطل يتنحنح ويتنهد
و يقول للبطلة "تتجوزيني يا سعاد؟"
أما سعاد فحاجة من اتنين،
إما تفرح وتزجطط، وإما تقول له الجملة الشهيرة اللى مالهاش اى معنى
"انت فاجئتني يا أحمد"

انا عايزك تتأكد ان اليوم ده مهم جداً فى حياتك
عشان كده مش عايزه يعدى بسهوله كده ,
ده يمكن اهم من يوم فرحك نفسه .

خلى اليوم ده يبقا مجنون .. غير تقليدي .. مطرقع .. مش بيتنسى ، خليه جامد بوريو .. اضرب فيه شخصيتك انتا باسلوبك انت
خليه مالوش مثيل ، وتأكد أن شريكتك هاتفرح جداً بكل ده اكتر من العادى .

وبكده هايفضل الطلب ده هو الوحيد المحفور في الذاكرة بتاعتها .

ودول كام طريقه كده ينفعوا تطلب فيهم الجواز من الانسه بتاعتك

في وقت الخطر



اتسلق أنت وشريكتك أي مرتفع ، وتأكد أنه كل ما يزيد الارتفاع عن سطح الأرض
كل ما زاد القرب بينكم
ثم اطلب منها الجواز في عز انشغالها بالارتفاع عن سطح الأرض
وهاتفاجئها بده اوى وهاتفرح بوريو ساعتها بيك
و الارتفاع ده مش شرط انه يكون جبل
المقطم يمشى الحال

في وقت الدوشه



اتخيل أنك راكب عربيات التتصادم اللى بالكهربا دى في مدينة الملاهي و الانسه قاعده جنبك أو انتا راكب واحده غيرها وبتحاول تصطدم بيها
ساعتها تروح مصرخ وقايل " تتجوزينيييييييييييي"
اكيد ساعتها هي "مش سامعااااااااااك" وتفضل تقول كده لحد ما هى تسمعك هايكون كل الناس سمعوك , وهى ها تتأكد من ده
ساعتها هاتتفاجئ من اللى انتا قولته ووشها هايحمر وتبوصلك بصه صغنطوطه و تهز راسها وتقولك اها

على الطائرة



لو عرفت تبئا فى الفرصه
والظروف دى هاتكون من أكثر المحظوظين في العالم، الموقف ده انك تكون
مووجود مع الانسه بتاعتك على طاياره واحدة

ساعتها تطلب منها الجواز وهنا مش هاترفضك ابداً لسبب غير معلوم

برقيه



روح مكتب البريد وابعت تلغراف (برقية) تطلب فيها الجواز من الانسه على عنوان بيتها، واستنا لحد ما تتصل بيك وتقولك أنها قرأت التلغراف وموافقة على اللى فيه .

في المطر



زى ما قولنا قبل كده إن الارتفاع عن سطح الأرض وركوب الطيارة والقاعده على النيل حاجات بتزيد القرب بين الحبيبين لسبب غير معلوم
المطر بئا بينضم للقايمة دى ، وممكن استغل
نزول المطر والبرد والبهدلة وساعتها تطلب من الانسه بتاعتك الجواز وإتأكد
أنها هاتخلع شويه من هدومها ومش هاتحس ساعتها باى برد وهاترقص معاك وسط
المطر


الفالنتين



لو عايز تتجوز و قرب معادد الفالنتين ، اوعا تفوتك الفرصة، هي ساعتها هاتكون مهيأة للموافقة
ده غير انك هاتوفر على نفسك هديتين بعدين
وهاتشترى هدية واحدة بس على اساس أن يوم الفالنتين هو هو يوم طلب جوازك
منها، وده هايريحك كمان بعدين من انك تحتفل بمناسبتين . لأ اتنين فى واحد
( شامبو ) .


إيميل



ابعت إيميل للانسه تقولها فيه
انك عايز تتجوزها، وقل لها في نهايته، برجاء إرسال هذا البريد إلى العالم
كله إذا وافقتي عليه. حته كده جنان


في الإعلام



لو هانستغل عصر الإنترنت واقترحنا طلب الزواج
عن طريق الايميل ، فالعصر اللي عايشيين فيه
دلوقتى بئا الإعلام بيشكل جزء جامد بوريو من حياتنا، زى ما أصبح التقارب
بين المشاهدين والقنوات الإعلامية كبيرا اوى (مش بوريو المره دى اهو) ، علشان كده ممكن تتفق

مع برنامج فى قناه مولوتى مثلا (ميلودى) وساعتها تطلب الجواز من الانسه على راحتك وتكون مبلغها قبل كده بمعاد البرنامج
وساعتها بعبرلها عن كل اللى جواك
على راحتك خالص
قولها بحبببببببببببببببببك يا انسه على راحتك

قولولى ايه اكتر موقف عجبكم نفسكم يحصل معاكم


اتعلموا بقي






الرجوع الى أعلى الصفحة اذهب الى الأسفل
 
تتجوزيني ممكن ؟؟؟
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
Romantic Cafe :: البيت بيتـــك | Break Forum :: شباب × شباب | Youth × Youth-
انتقل الى: