هو ده زمن مين ؟
سألت كتير ولسه بسأل ... هو ده زمن مين ... وفى نفس الوقت انا اعمل ايه ؟؟؟
الزمن ده لسه فيه محترمين ولا كله بيلعب على كله وكله بيحور على كله
مين لسه لحد دلوقتى بييحب اخوه وبيحب صاحبه بجد
ولا لو لقيته بيقع هتدوس عليه اكتر عشان توصل اسرع
ليه الواحد مننا بيطلع وبيبقى حاجه بعد ما يدوس على تسعميت واحد تحتيه
مين فينا قدر يكون حاجه بشرف ؟؟؟؟
وانا اللى لسه فى بدايه الطريق هعمل ايه
هوصل زى ما كتير غيرى ما وصلوا بالنفاق والمحسوبيه والغش
ولا هبدأ واحده واحده ويا عالم هوصل ولا موصلش
مانا عاوز افهم وعاوز اوصل لاجابه لسؤالى اللى فوق خالص
هو ده زمن مين ؟؟؟
والعيب فيا ولا العيب فيهم ولا انا اللى جيت فى وقت مش وقتى وزمن مش زمانى
انا عارف ان مش انا لوحدى اللى فى الازمه دى ويمكن فى زيى ملايين
وتلاقيهم زيى مش عارفين يختاروا ايه
الصح ولا الغلط
ده اذا كان عارفين اصلا هو ايه الصح وايه الغلط
اختلفت القيم واختلفت الاخلاق واختلفت كل حاجه وكل حاجه بعدت عن معناها
النفاق بقى ذكاء والصراحه بقت وقاحه والحقيقه بقت خيال
والوهم بلدنا اجدع بلد تقدر تعيشك فيه
الرئيسية 
