زوج وزوجه

الزوج:حبيبتي أنا حأطلب بيتزا ،عايزة حاجة ؟

الزوجه:لا يا حبيبي

الزوج :اوكي

الزوجه:ولا اقولك ..؟

الزوج:ها ، أطلب لك كمان؟

الزوجه:مش عارفة

الزوج :مش عارفة اذا كنتي عايزة؟

الزوج:لا

هو:انتي جعانة؟

هي:يعني

هو :يعني إيه يعني...؟

هي:يعني مش متأكدة اذا كنت جعانة ولالأ.

هو:الواحد لما بيكون جعان بيعرف

هي :لأ بس يمكن اجوع بعدين

هو:يعني اطلب لكي بتزا ؟؟

هى:طيب واذا ما كنتش جعانة وقتها..؟

هو :ما تاكليش

هي :بس ده كدة يبقى تبذير

هو:خلاص ، تبقي تاكليها بكرة

هي:و اذا ما كانش لي نفس آكل بيتزا بكرة؟

هو :مش محتاجة نفس ، الواحد عادي ممكن ياكل بيتزا كل يوم

هي:انا لا .. أنا مش باكل بيتزا الا لما يكون عندي نفس للبيتزا

هو:طيب بلاش ، أطلب لك حاجةتانية؟

هي:بس أنا مش عايزة حاجةتانية

هو:يعني عايزة بيتزا؟

هي :لأ

هو:يعني مش عايزة حاجة؟

هي:لأ برضه

هو :جننتيني ، طب أعمل ايه؟

هي:اطلب انت لنفسك

هو:الحمد لله ، اخيرا .. ماشي ..

هي :بس اطلب بيتزا بالتونة

هو:نعم ؟ انا مش بحب البيتزا التونة

هي:بس انا بحبها

هو:وانتي مالك ؟ هو انا حاطلب ليا ولا ليكي

هي:ليك طبعا

هو:طيب أطلبها ليه بأة بالتونة...؟

هي:يمكن اجوع لما يوصل الاكل

هو :وبعدين؟

هي:يا سلام ، يعني تفتكر آكل حاجة مش عاجباني؟

هو:ليه هو انتي – أصلاً - عايزة تاكلي؟

هي :ليه لأ؟

هو:يا مثبت العقل .. هو أنا حاطلب بيتزا لي , عشان احتمال انتي تاكليها اذا كنتي جعانة؟؟

هي:بالضبط

هو:وأنا بلاش آكل؟

هي:يمكن وقتها أكون مش جعانة فتاكلها انت

ملاحظة محكمة الجنايات قررت تبرئة الزوج من تهمة

"قتل الزوجة مع سبق الإصرار والترصد"

وتحويل التهمة إلى ..

"قتل الزوجة دفاعاً عن النفس من الجلطة"

ارجوا الرد

هههههههههههههههه ده ظلم نفسه وخدم البشرية كلها ميرسي علي التوبيك الرائع

شكرا على مروريك